Tað er ókeypis at luttaka í Skúlafótbólti, tvs. at tað kostar onki fyri skúlar ella næmingar at luttaka í kappingini Skúlafótbóltur.
Hvørt lið spælir í minsta lagi 3 dystir í einum innleiðandi bólkaumfari. Bólkavinnarar fara víðari til finalu-umfar og spælt verður síðani fram ímóti finaluni.
Liðmynd verður eisini tikin av øllum liðunum og myndirnar kunnu takast niður á heimasíðuni.
Til Skúlafótbólt verður bjóðað ókeypis vatn og frukt, meðan kappingin er (við fyrivarni í tilmælunum frá Korona-ráðgevingini)
Páls Høll er opin í samband við Skúlafótbólt (næmingar rinda atgongugjald).
Lagt er upp til, at luttakarar hava matpakka við heimanífrá, men tilber eisini at bíleggja mat, sum so verður latin í Marghøllini. Eru ynski um hetta, so er at seta seg í samband við Dennis Holm á teldupost: dennis@vagur.fo.