Um kappingina Skúlafótbóltur

Skúlafótbóltur er ein fótbóltskapping fyri allar fólka- og miðnámsskúlar í landinum.

Skúlafótbóltur hevur fokus á tað sosiala, á heilsu, á rørslu og á at fótbóltur er fyri øll. Umframt at talan er um ein fótbóltskapping, so er tað eisini ein týðandi partur av Skúlafótbólti, at talan verður um nakrar stuttligar og spennandi dagar saman við floksfelagum í egnum skúla, og floksfelagum á sama árgangi úr øðrum skúlum.

Skúlafótbóltur 2018 verður skipaður fyri árgangirnar frá 1. til og við 9. flokk, umframt 10. flokk og  miðnámsskúlarnir kring landið.

Spælt verður bæði í dreingja- og gentuliðum, og í blandaðum liðum við dreingjum og gentum. Vallarstøddin verður í mun til árgangin, sambært forskriftunum hjá FSF. Leiktíðin er í mun til tíðarásetingarnar fyri dystir í ymisku aldursbólkunum hjá FSF.

Øll liðini spæla í minsta lagi 3 dystir.

Tað er FC Suðuroy sum skipar fyri Skúlafótbólti saman við Vágs Ítróttarráð og Vágs Skúla.